ఆరాధన చేయు స్థలము

*ఆరాధన చేయు స్థలమేది ?*
*ఎక్కడ పడితే అక్కడ ఆరాధన చేయవచ్చా..?*

*1. పితరుల యుగములో..*

పితరుల యుగంలో ఆరాధన అనేది తేటగా ఆలోచించ బడిన సందేశం కాదు.
అయినప్పటికీ
పితరులు దేవునిని ఎలా ఆరాధించారు అంటే..? ఒకచోట బలిపీఠం కట్టి, అక్కడనే బలి అర్పించే వారు.
అది ఆకాలంలో ఆరాధనగా ఎంచబడింది. దేవుడు ఆ సువాసనను ఆఘ్రాణించాడు. *(ఆది 8:20-21; ఆది 13:3-4)*

*2. మోషే యుగంలో...*

ఆరాధించే స్ఠలానికి అత్యంత ప్రాముఖ్యత చూస్తాము.
ఆరాధన యెహోవా మందిరములో మాత్రమే జరగాలి
ఆరాధన యెరూషలేములో మాత్రమే జరగాలి
యెరూషలేము ఆనాడు మత కేంద్రముగా పేరొంధి, విలసిల్లినది.

*ద్వితి 12:13,14*
నీవు చూచిన ప్రతీస్థలమున నీ దహనబలులు అర్పింపకూడదు. యెహోవా నీ గోత్రములలో ఒకదానియందు *ఏర్పరచుకొను స్ధలముననే నీ దహనబలులు అర్పించి*, నేను మీకాజ్ఞాపించుచున్న సమస్తమును *అక్కడనే జరిగించవలెను.*

2 Samuel(రెండవ సమూయేలు) 15:32
*దేవుని ఆరాధించు స్థలమొకటి ఆ కొండమీద ఉండెను*. వారు అచ్చటికి రాగా అర్కీయుడైన హూషై పై వస్త్రములు చింపుకొని తలమీద ధూళి పోసికొనివచ్చి రాజును దర్శనము చేసెను.

2 Chronicles(రెండవ దినవృత్తాంతములు) 7:3
అగ్నియు *యెహోవా తేజస్సును మందిరముమీదికి* దిగగా చూచి ఇశ్రాయేలీయులందరును సాష్టాంగనమస్కారము చేసి యెహోవా దయాళుడు, ఆయన కృప నిరంతర ముండునని చెప్పి *ఆయనను ఆరాధించి స్తుతించిరి.*

2 Chronicles(రెండవ దినవృత్తాంతములు) 29:20,28,29
20.అప్పుడు రాజైన హిజ్కియా పెందలకడలేచి, పట్టణపు అధికారులను సమకూర్చుకొని *యెహోవా మందిరమునకు పోయెను.*
28.అంత సేపును సర్వసమాజము *ఆరాధించుచుండెను.* గాయకులు పాడుచుండిరి, బూరలు ఊదు వారు నాదముచేయుచుండిరి,దహనబలియర్పణ సమాప్తమగువరకు ఇదియంతయు జరుగుచుండెను.
29.వారు అర్పించుట ముగించిన తరువాత రాజును అతనితోకూడనున్న వారందరును *తమ తలలు వంచి ఆరాధించిరి.*

Jeremiah(యిర్మీయా) 26:2
యెహోవా ఆజ్ఞ ఇచ్చునదేమనగా, *నీవు యెహోవా మందిరావరణములో* నిలిచి, నేను నీ కాజ్ఞాపించు మాట లన్నిటిని *యెహోవా మందిరములో ఆరాధించుటకై వచ్చు* యూదా పట్టణస్థులందరికి ప్రకటింపుము; వాటిలో ఒక మాటైనను చెప్పక విడవకూడదు.

John(యోహాను సువార్త) 4:20
మా పితరులు ఈ పర్వతమందు ఆరాధించిరి గాని *ఆరాధింపవలసిన స్థలము యెరూషలేములో* ఉన్నదని మీరు చెప్పుదురని ఆయనతో అనగా యేసు ఆమెతో ఇట్లనెను

Acts(అపొస్తలుల కార్యములు) 8:27
అప్పుడు ఐతియొపీయుల రాణియైన కందాకే క్రింద మంత్రియై ఆమెయొక్క ధనాగారమంతటి మీదనున్న ఐతియొపీయుడైన *నపుంసకుడు ఆరాధించుటకు యెరూషలేమునకు* వచ్చియుండెను.

Acts(అపొస్తలుల కార్యములు) 24:11
*యెరూషలేములో ఆరాధించుటకు* నేను వెళ్లిననాట నుండి పండ్రెండు దినములు మాత్రమే అయినదని తమరు విచారించి తెలిసికొన వచ్చును.

మోషే యుగంలో ఆరాధన.,
👉దేవుడు కోరుకున్న జనముతో,
👉దేవుడు ఎంచుకున్న స్థలములో,
👉దేవుడు ఆజ్ఞాపించిన విధముగా,
👉దేవుడు కోరిన రీతిలో,
👉 దేవుడేర్పరచిన నమూనాలో,
👉పోలికలో నిర్మింపబడిన ప్రత్యక్షగుడారములో, యెహోవా మందిరములో మాత్రమే ఆరాధన జరిగినట్లు మనము గమనించగలము

*క్రైస్తవుల ఆరాధనా స్ధలమేది ?*

మోషే, ధర్మశాస్త్ర కాలములో భౌతిక సంబంధమైన స్థలానికి ప్రాముఖ్యత ఇవ్వబడినది.
కానీ నేడు బౌతిక స్థలానికి ప్రాముఖ్యత లేదు.

Hebrews(హెబ్రీయులకు) 10:1
ధర్మశాస్త్రము రాబోవుచున్న మేలుల *ఛాయ* గలదియే గాని ఆ వస్తువుల నిజస్వరూపము గలదికాదు గనుక ఆ యాజకులు ఏటేట ఎడతెగకుండ అర్పించు ఒక్కటే విధమైన బలులు వాటిని తెచ్చువారికి ఎన్నడును *సంపూర్ణసిద్ధి కలుగజేయ నేరవు.*

Hebrews(హెబ్రీయులకు) 9:9
ఆ గుడారము ప్రస్తుతకాలమునకు ఉపమానముగా ఉన్నది. ఈ ఉపమానార్థమునుబట్టి మనస్సాక్షి విషయములో *ఆరాధకునికి సంపూర్ణసిద్ధి కలుగజేయలేని* అర్పణలును బలులును అర్పింపబడుచున్నవి.

John(యోహాను సువార్త) 4:20,21,22,23,24
20.మా పితరులు ఈ పర్వతమందు ఆరాధించిరి గాని ఆరాధింపవలసిన స్థలము యెరూషలేములో ఉన్నదని మీరు చెప్పుదురని ఆయనతో అనగా యేసు ఆమెతో ఇట్లనెను
21.అమ్మా, ఒక కాలము వచ్చుచున్నది, ఆ కాలమందు ఈ పర్వతము మీదనైనను *యెరూషలేములో నైనను మీరు తండ్రిని ఆరాధింపరు*. నా మాట నమ్ముము;
22.మీరు మీకు తెలియని దానిని ఆరాధించువారు, మేము మాకు తెలిసిన దానిని ఆరాధించువారము; రక్షణ యూదులలో నుండియే కలుగుచున్నది.
23.అయితే *యథార్థముగా ఆరాధించువారు ఆత్మతోను ,సత్యముతోను తండ్రిని ఆరాధించు కాలము వచ్చుచున్నది;* అది ఇప్పుడును వచ్చేయున్నది; తన్ను ఆరాధించువారు అట్టివారే కావలెనని తండ్రి కోరుచున్నాడు;(మూలభాషలో-వెదుకుచున్నాడు).
24.దేవుడు ఆత్మగనుక ఆయనను ఆరాధించు వారు ఆత్మతోను సత్యముతోను ఆరాధింపవలెననెను.

👉పర్వతం మీద ఆరాధించరు.
👉 యెరూషలేములో ఆరాధించరు.
👉నేడు స్థలానికి ప్రాముఖ్యత లేదు

*స్థలానికి బదులు జనాన్ని కోరుకున్నాడు దేవుడు.*

Isaiah(యెషయా గ్రంథము) 51:16
నేను ఆకాశములను స్థాపించునట్లును భూమి పునాదులను వేయునట్లును *నాజనము నీవేయని సీయోనుతో చెప్పునట్లును* నీ నోట నా మాటలు ఉంచి నా చేతినీడలో నిన్ను కప్పియున్నాను.

Psalms(కీర్తనల గ్రంథము) 132:13,14
యెహోవా *సీయోనును ఏర్పరచుకొనియున్నాడు. తనకు నివాసస్థలముగా దానిని కోరుకొని యున్నాడు.*
14. *ఇది నేను కోరినస్థానము, ఇది నిత్యము నాకు విశ్రమ స్థానముగా నుండును ఇక్కడనే నేను నివసించెదను*

సీయోను అనగా...
👉దేవుడు కోరుకున్న స్ఠలం,
👉దేవుని జనము,
👉క్రీస్తు సంఘము నకు సూచన

👉ఆరాధన క్రీస్తు ప్రభువు సంఘములో జరగాలి
👉క్రీస్తు శరీరమైన సంఘములో జరిగేది ఆరాధన
👉క్రీస్తు రాజుగా ఉన్న రాజ్యములో ఆయన ఏలుబడి క్రింద జీవించే ప్రజలు జరిగించేది
ఆరాధన అనబడుతుంది
👉క్రీస్తు శిరస్సుగా గల సంఘములో ఆయన అధికారం క్రింద జీవించే ప్రజలున్న సంఘములో జరిగేది ఆరాధన
👉ఆయన ఏం చెప్పినా అన్నివిషయాలలో ఆయన మాట వినేవారి సముదాయం గలవారు ఉన్నచోట దేవుడు నివశిస్తాడు.

👉అది ఆయన కోరిన స్థానము.
👉అది ఆయనకు నిత్యమూ విశ్రమ స్దానము.
👉ఆరాధన అక్కడే జరగాలి.
ఇంకెక్కడ జరిగినా అది ఆరాధన అనబడదు